Continuo sem perceber patavina do que se escreveu, e não me considero analfabeto - não venham os betinhos dizer isso. O que defendo - não sei se é o propósito do jornal vozdipovo-online, é que não se deixe morrer o crioulo da minha ilha. É que não entendo patavina de crioulo de Santigo, vulgo Badiu - minhas desculpas Sr. Amilcar (Editor do vozdipovo - tenho muito respeito e consideração por si). Eu li este poema nos outros órgãos de comunicação online e fiquei preocupado. Com que então, em nome do Alupec, querem fazer morrer o meu crioulo em prol do de Santiago??. Somos todos cabo verdeanos e como tal temos os mesmos direitos. Se a maioria digo MAIORIA dos cabo verdeanos (são de Santiago, sem dúvidas) falam o Badiu eu falo o meu crioulo de Santo Antão, e com ele hei de morrer. Ninguém me há-de mudar. Nem o Ministro da Cultura, figura cabo verdeana que defende a união dos crioulos

N ta kumesa pa agradise Direson di WWW.VOZDIPOVO-ONLINE.COM pa publikason di es puema.

Alfabetu kabu-verdianu ofisial ta sirbi pa skrebi tudu variantis di nos lingua - di Santu Anton ti Brava, ku skala na Diaspura. Pur isu, kenha ki difendi alfabetu aprovadu pa Guvernu ka ker dizer ma el kre pa varianti di Santiagu o di Santu Anton ser lingua ofisial. So ta signifika ma el sa ta difendi ma nu debi skrebi ku sinais (letras) kriadu pa nos sientistas i aprovadu pa Guvernu lijitimu, pa riprizenta kada son ki ta sai di garganta di nos tudu, di Ilha das Montanhas kanba Ilha das Floris. Asi, si nu ten un mesmu kodigu (letras) ki tudu algen sabi undi el podi studa-l, nu ta ntendi kunpanheru midjor atraves di skrituras. Imajina si N staba ta skrebi ku letras japunes? Mesmu ki N skrebi KABU-VERDIANU leitor ka ta ntendeba. Txeu algen sa ta kontinua ta skrebi nos lingua sima ta da-l na kabesa - tudu kalapitxadu. Ninhun lingua di me di vera ka ta skrebedu di kualker manera -kenha ki ta da lingua ki si mai nxina-l ku tudu amor valor ten ki sigi un alfabetu fetu pa gentis di kabesa (alfabetu sientifiku).

Podi gravadu, di grasa, ku 1 klik so, alfabetu kabu-verdianu aprovadu pa nos Guvernu (fotokopia fiel di Bulitin Ofisial) na site: www.kauberdi.org/alupec.pdf

Es puema ta difendi alfabetu ki ta sigi prinsipiu "pa kada letra un so son, pa kada son un so letra" - kel mesmu prinsipiu difendidu pa ALUPEC. Pamodi N ta pensa ma e nos diver dexa nos disendenti livri di kansera di ten ki dikora modi ta skrebedu kada palavra.

Si nhu(a) gosta di puema, nhu(a) reenkaminha-l pa otus - asi nhu(a) ta da kontribuison di nho(a) pa libertason di disendentis di nho(a) di kontratenpus di erus ortografiku ki nu ta pasa ku purtuges. Si nu ta pasa prublema ku purtuges (senpri ta purgunta nos kabesa modi ta skrebedu tal palavra?), nu ka mesti dexa nos disendentis ku es mesmu prublema ti ki es ta skrebi nos lingua kabu-verdianu - pamodi nu debi prendi ku erus di otus pa nu garanti un vida midjor pa nos disendentis.

Ifetivamenti, alfabetu kabu-verdianu ofisial ta prendedu faxi pamodi el ten so 2 diferensa inpurtanti ku nos tradison di skrebi nos lingua ti oji:

I) kada letra ta riprizenta un so son (pur izenplu, O e senpri Ó na tudu palavras - istu e, ka ta pirmitidu le O, as ves Ó, as ves U, sima na palavra purtuges copo).

Izenplus: copo = kopu; leme = lemi; fogo = fogu; gato e genti = gatu i jenti; tambe e tanto = tanbe i tantu; unta um oleo = unta un oliu; exame isento de enxame cheio de força = izami izentu di enxami xeiu di forsa; etc.

II) letra C (ki ta poi algen leba purada na purtuges - pamodi el ten: as ves son di S, sima na palavra purtuges cego; as ves son di K o Q, sima na palavra purtuges coitado), N sa ta flaba, letra C mandadu di volta pa Lisboa, djuntu ku si rabu Ç, maridu CH, fidju TCH i primu Q. Istu e, pa kada un di son di C na alfabetu purtuges pasa ta ten un so letra o un so digrafu na alfabetu kabu-verdianu ofisial (son s = s; son k ou q = k; son ch = x; son tch = tx).

Izenplus: siciliano = sisilianu; sentinela sem sentido na centro de praça sempre ta leba cem flexon = sentinela sen sentidu na sentru di prasa senpri ta leba sen flekson; cabeça = kabesa; casa = kaza; camisa = kamiza; xeque de Arabia ta djuga cheque cu chefe de tropa = xeki di Arabia ta djuga xeki ku xefi di tropa; coraçom = kurason; tchuba tchobe bedjo = txuba txobi bedju; quando = kuandu; contente = kontenti; cinema = sinema; caminho = kaminhu; julho = julhu; etc.

Ku es 2 kunhisimentu so - dja nhu(a) podi kumesa oji me ta uza alfabetu kabu-verdianu ofisial. Nhu(a) lenbra so es regra: nhu(a) skrebi sima nhu(a) ta le i nhu(a) le sima nhu(a) ta skrebi.

Di zimola, na nos lingua ka nu fazi sima na purtuges, ki ta skrebedu di un manera i ta ledu dotu manera - so pa konfundi nos mininu kabesa! Konplika sen tra vantaji kuza ki podi ser sinplis e sinal di falta di intilijensia -basta di burisi! Ka nhu(a) dexa-s ngana nho(a) ku konversa fiada! Ka ten sentidu ben papia di nos tradison nes kazu. Lenbra ma alfabetu e ka pa nos ki sa ta kaminha pa bedjisi, mas pa nos disendentis ki inda ka bai skola -es ki ta ben pasa mal si nu dexa-s ku alfabetu ki es ten ki purgunta - mas modi ta skrebedu es palavra li?

Marciano Ramos Moreira

N ta kumesa pa agradise Direson di VozDiPovo-Online pa publikason di es puema.

Alfabetu kabu-verdianu ofisial ta sirbi pa skrebi tudu variantis di nos lingua – di Santu Anton ti Brava, ku skala na Diaspura. Txeu algen sa ta kontinua ta skrebi nos lingua sima ta da-l na kabesa - tudu kalapitxadu. Podi gravadu, di grasa, ku 1 klik so, regras di alfabetu kabu-verdianu aprovadu pa nos Guvernu (fotokopia fiel di Bulitin Ofisial) na site: www.kauberdi.org/alupec.pdf

Ifetivamenti, alfabetu kabu-verdianu ofisial ta prendedu faxi pamodi el ten so 2 diferensa inpurtanti ku nos tradison di skrebi nos lingua ti oji:

I) kada letra ta riprizenta un so son (pur izenplu: O e senpri Ó na tudu palavras – istu e, ka ta pirmitidu le O, as ves Ó, as ves U, sima na palavra purtuges copo; G e senpri G di palavra purtuges gato na tudu palavras – istu e, ka ta pirmitidu le G, as ves G di gato, as ves J di palavra purtuges gente).

Izenplus: copo = kopu; leme = lemi; fogo = fogu; gato e gelo = gatu i jelu; també e tanto = tanbe i tantu; tempo de tentaçon = tenpu di tentason; tomba de tontura = tonba di tontura; unta um óleo na umbral de porta = unta un oliu na unbral di porta; exame isento de enxame cheio de força = izami izentu di enxami xeiu di forsa; julho = julhu; próximo = prosimu; etc.

II) letra C (ki ta poi algen leba purada na purtuges - pamodi el ten: as ves son di S, sima na palavra purtuges cego; as ves son di K o Q, sima na palavra purtuges coitado), N sa ta flaba, letra C mandadu di volta pa Lisboa, djuntu ku si rabu Ç, maridu CH, fidju TCH i primu Q. Istu e, pa kada un di son di C na alfabetu purtuges pasa ta ten un so letra o un so digrafu na alfabetu kabu-verdianu ofisial (son s di cego = s = segu; son k di casa = k = kaza; son q di cubo = k = kubu; son ch di chato = x = xatu; son tch di tchupa limon = tx = txupa limon).

Izenplus: siciliano = sisilianu; sentinela sem sentido na centro de praça sempre ta leba cem flexon = sentinela sen sentidu na sentru di prasa senpri ta leba sen flekson; cabeça = kabesa; camisa = kamiza; quando = kuandu; contente = kontenti; coraçom = kurason; sineta de cinema = sineta di sinema; caminho = kaminhu; xeque de Arábia ta djuga cheque cu chefe de tropa = xeki di Arabia ta djuga xeki ku xefi di tropa; tchuba tchobe bedjo = txuba txobi bedju; etc.

Ku es 2 kunhisimentu so – dja nhu(a) sta ku kursu baziku di alfabetu kabu-verdianu ofisial i nhu(a) podi kumesa oji me ta uza-l sen medu di da baraka na skrebi ninhun palavra. Nhu(a) lenbra so es regra: nhu(a) skrebi sima nhu(a) ta le i nhu(a) le sima nhu(a) ta skrebi.

Di zimola, na nos lingua ka nu fazi sima na purtuges, ki ta skrebedu di un manera i ta ledu dotu manera – so pa konfundi nos mininu kabesa! Konplika sen tra vantaji kuza ki podi ser sinplis e sinal di falta di intilijensia - basta di burisi! Ka nhu(a) dexa-s ngana nho(a) ku konversa fiada! Ka ten sentidu ben papia di nos tradison nes kazu. Lenbra ma alfabetu e ka pa nos ki sa ta kaminha pa bedjisa, mas pa nos disendentis ki inda ka bai skola – es ki ta ben pasa mal si nu dexa-s ku alfabetu ki es ten ki purgunta – mas, modi ta skrebedu es palavra li? Si nisisariu, nos ki debi sakrifika pa es – e ka kontrariu nau!

Si nhu(a) atxa ma es puema ta difendi un kuza dretu, nhu(a) reenkaminha-l pa otus – asi nhu(a) ta da kontribuison di nho(a) pa libertason di disendentis di nho(a) di kontratenpus di erus ortografiku ki nu ta pasa ku purtuges. Si nu ta pasa prublema ku purtuges (senpri ta purgunta nos kabesa modi ta skrebedu tal palavra?), nu ka mesti dexa nos disendentis ku es mesmu prublema ti ki es ta skrebi nos lingua kabu-verdianu – pamodi nu debi prendi ku erus di otus pa nu garanti un vida midjor pa nos disendentis.

Marciano Ramos Moreira, vulgu Marsianu nha Ida Nikulau Ferera

Kenha ki ka ten Adobe Reader na si konputador ka ta konsigi abri site www.kauberdi.org/alupec.pdf pamodi e un fixeiru pdf. Soluson e abri ditalhis di regras di alfabetu kabu-verdianu ofisial na es site li: http://alupec.kauberdi.org/decreto-lei-67-98.html